A Pordenon al cambie il diretôr artistic dal teatri

Il teatri “Verdi” di Pordenon al à cambiât il diretôr artistic pe programazion musicâl, che in cheste ultime stagjon al è stât il pianist Roberto Prosseda. Il musicist al à comunicât che nol pues plui lâ indevant daspò de scjadince dai 31 di Avost par causis di famee. Al so puest, de Sierade, al rivarà il pianist Alessandro Taverna, nassût a Vignesie tal 1983, un artist innomenât che al sune di regule intes plui impuartantis istituzions musicâls internazionâls. Taverna al à sunât tal teatri “Verdi” cuant che al jere ancjemò tant zovin, intune fase in cressi de sô cariere. (A.I.) – 28.02.2024