A Palme la storie di John Coltrane e vierç “Frattempi”

Dai 15 di Avrîl ai 25 di Setembar al torne “Frattempi”, il festival sottitulât pe sô tierce edizion ‘Il timp di tornâ a nassi’, ambientât prin di dut in val Pesarine, ma ancje in altris localitâts, par favorî l’incuintri tra il mont produtîf e chei de art e de creativitât, valorizant aziendis e produtôrs che a frontin une gjestion sostignibile des risorsis. Si tache sabide dal Teatri ‘Modena’ di Palme cul spetacul “John Coltrane. Un amore supremo”, un ritrat cun peraulis e musiche dal gjeni dal jazz. Lis vôs che a contin la storie a son chês di Valerio Marchi, autôr ancje de dramaturgjie, e de atore Nicoletta Oscuro, lis musichis dai jazziscj Francesco Bearzatti, Luca Colussi e Gianpaolo Rinaldi. (A.I.) – 07.04.2023