L’Istât a Lignan e devente ancjemò plui plene cuntune schirie di events che a cjapin dentri ancje cualchi conciert a jentrade libare cence sore nuie. Par esempli, chei dal “Summer Festival Live”: trê seradis dutis a gratis cul grant pianist jazz Stefano Bollani, ai 4 di Avost te Beach arena, li dal ufici de splaze numar 5. Il dì dopo te Arene Alpe Adria, conciert di Francesco Renga pal so tour “Angeloeventi” e ai 8 di Avost e rive Cristina D’Avena cui Gem Boy. No je musiche ma il protagonist al è une stele il “Bobo Summer Cup Padel Tour”, il torneu di padel – zontât di spetacui e solidarietât – ideât dal ex zuiadôr di balon Christian Vieri, dal prin ai 3 di Avost su la splaze. Za di joibe ai 31 a tornin ancje i grancj concierts a paiament tacâts di cualchi setemane: te arene Alpe Adria, pal Lignano Sunset Festival, la uniche date taliane dai Extreme, grup di liende dal rock “dûr” american. Prime de Madone di Avost, a rivaran ancje Nek, i Nomadi e Nino D’Angelo. (A.I.) – 30.07.2025
Foto di J. Lirola
