Il cine sui langobarts dongje dai 50 premis

Il cine documentari “La donna longobarda” (La femine langobarde) al à concuistât doi gnûfs prins premis al festival cinematografic “The Impact Docs Awards” in Californie. La rassegne e ricognòs i cines che a dimostrin risultâts ecezionâi a nivel artesanâl e di creativitât e chei che a produsin intratigniment straordenari o che a contribuissin a cambiaments sociâi profonts. Lis iscrizions a son stadis judicadis di professioniscj une vore cualificâts e premiâts intal setôr cinematografic e televisîf, e a rivin di dut il mont (chest an di ben 30 Paîs). Cun chestis gnovis vitoriis, a van sù a 46 i ricognossiments internazionâi dal cine prodot di Invicti Lupi e Matteo Grudina, cun regjie di Sandra Lopez Cabrera e Simone Vrech: 22 prins premis e 24 selezions uficiâls. (A.I.) – 15.02.2024