“Udin citât ingrate”: il sbroc di Fontanini

Il sindic di Udin, Pietro Fontanini, ancjemò nol à decidût ce fâ. Fontanini al sta valutant se tornâ a candidâsi ae vuide de citât pal centridiestre: “A soi strac e demotivât. Udin e je une citât dificile”.

Il sbroc dal prin citadin al è rivât fevelant ai microfons di Telefriuli, cheste matine, dilunc de inaugurazion dal gnûf intervent ai listons di viâl Cjadovri.

“O vin fat tantis oparis par cheste citât. O pensi – al à dit – ae rivoluzion di vie Mercatovecchio. Ma Udin si è palesade un pôc ingrate viers il so sindic e cualchi volte no ricognòs ce che o vit fat…”. (ADG) – 28.10.2022