Presentâts a Udin i gnûfs autobus eletrics di Arriva Udine: i gnûfs mieçs, colorâts cuntune livree speciâl, a son stâts presentâts vuê in place de Libertât di Angelo Costa, delegât aministradôr di Arriva Italia e president di Arriva Udine, e Aniello Semplice, delegât aministradôr di Arriva Udine e TPL Fvg, in presince dal sindic di Udin Pietro Fontanini e dal assessôr aes Financis de Regjon F-Vj Barbara Zilli.
I 3 gnûfs bus urbans eletrics, finanziâts dai fonts dal Plan nazionâl dai invistiments, complementârs tal Plan nazionâl di riprese e resilienza (Pnrr), a jentraran in servizi dopo lis fiestis, tacant dai 9 di Zenâr, su la gnove linie dilunc dal centri storic.
I mieçs jessint tant cidins a son stâts furnîts di un sisteme di sigurece che al fas rumôr fin cuant che no si côr plui di 25 chilometris ae ore.
I gnûfs bus a consumin mancul di un Chilowatt par chilometri e si ricjariin in plui o mancul 2 oris e mieze. Pe ricjarie la aziende e à cuistât 2 colonutes di 100 kW. La ricjarie e sarà fate dopo la tornade dai mieçs tacant des 9 di sere. Lis operazions di ricjarie diurne a dopraran une part de energjie prodote par autoconsum dal implant fotovoltaic de sede di vie dal Partidor. (A.D.G.) – 20.12.2022
