Incident a Pantelleria par trê avions des Frecce Tricolori

Trê avions des Frecce Tricolori a son stâts cjapâts dentri intun incident intal dopomisdì, intant che a svolavin par une esercitazion, parsore di Pantelleria. Par fortune nissun pilote si è fat mâl.

Al somee che l’incident al sedi stât provocât dal contat tra i avions intant che a fasevin une manovre.

Intant che chei altris avions a tornavin bande de Sicilie, i trê cjapâts dentri dal contat a son aterâts tal aeropuart di Pantelleria, ma forsit par un vuast a une ruede, un dai velivui al è lat fûr de piste. Sul puest a son rivâts daurman i socors, cui i Vigjii dal fûc, il personâl sanitari e i carabinîrs. (a.d.g.) – 06.05.2025