Ancjemò sanc su la autostrade A4

Un altri incident dilunc de autostrade A4 al è sucedût pôc prime des 11 di miercus di sere, in direzion Triest, jenfri lis jessudis di Palme e Vilès, intal teritori comunâl di Cjamplunc Tapoian. Par cause ancjemò di aciertament de bande dai agjents de Polizie Stradâl, trê veturis si son dadis cuintri: une Bmw, une Kia e une Opel Insigna. Dôs oms di 30 agns a son muarts sul puest par vie des feridis tant grivis. Une tierce persone, gjavade fûr dai lamarins, e je stade traspuartade al ospedâl in cundizions seriis; une cuarte e je stade medeade sul puest dal personâl sanitari. La autostrade e je restade sierade fin dopo miezegnot e la circolazion e je tornade normâl dome aes 6.40 di matine, in graciis des operazions coordenadis dal Coa. (A.I.) – 03.11.2022