43
La Cjamare dai deputâts cun 228 vôts a pro, 78 cuintri e 6 astignûts e à aprovât in seconde leture lis modifichis ae leç costituzionâl sul Statût speciâl de Regjon Friûl – Vignesie Julie pe reintroduzion des Provinciis.
Il dissen di leç che al puarte a un asset istituzionâl gnûf al previôt trê nivei di guvier al puest dai doi di cumò: regjon, ents di aree slargjade e comuns. Par chest motîf il proviodiment al regule tal statût i ents di aree slargjade, indulà che la riforme costituzionâl dal 2016 e veve sierât lis provinciis. La leç e torne cumò te Cjamare dal Senât pe aprovazion definitive. (a.d.g.) – 05.11.2025
