62
E sarà il sindic di Trep Grant Sara Tosolini la gnove coordenadore regjonâl de sezion Zovins de Anci dal Friûl-Vignesie Julie. Adun cun jê a son stâts nomenâts ancje i components dal diretîf, undis zovins aministradôrs che a rivin di dute la regjon.
“Jessi zovins aministradôrs vuê – e à dit Tosolini – che e à 25 agns e che e je stade elete pe prime volte conseîr comunâl sîs agns indaûr – al vûl dî cjapâsi la responsabilitât di fâ su’ il futûr des nestris comunitâts cun vision, competence e coragjo. No podìn plui acetâ che il nestri rûl al sedi rimandât a un doman ipotetic parcè che il nestri timp al è cumò”. (a.d.g.) – 07.03.2025
