Fusion tra Cafc e Hydrogea, vie libare dal Comun di Udin

Al è rivât di Palaç D’Aronco il vie libare ae fusion tra il Cafc (Consorzio acquedotto Friuli centrale) e la Hydrogea, lis dôs societâts che a gjestissin la aghe. Il Consei comunâl al à aprovât îr sore sere cun 24 vôts a favôr e 12 astensions la incorporazion de societât dal Friûl Ocidentâl dentri dal Cafc che e deventarà cussì la plui grande dal setôr intal Nordest.

Il Comun di Udin al sarà il soci plui grant cul 3% des azions. La stesse decision e varà cumò di jessi cjapade di ducj i 151 Comuns servîts dal gnûf Cafc. Ae fin di chest an e je previodude ancje la fusion cu la societât Iris di Gurize. (a.d.g.) – 01.04.2025