Sedi la sanitât che e reste une cuistion simpri pluitost imberdeade, sedi il fat che si stan svicinant lis elezions, ma dentri dal centri drete che al vuide la Regjon al è saltât fûr un barufon. Di une bande la Lega cul segretari regjonâl Marco dreosto e la so vice Anna Maria Cisint che e à la deleghe ae Sanitât che sui zornai a àn tacât cence lâ pal sutîl su la cuistion de rêt oncologjiche e dai ospedâi. Di che altre bande l’assessôr regjonâl ae Salut Riccardo Riccardi che, cuant che i gjornalscj di Telefriuli i àn domandât dal fat al à rispuindût cence pei su la lenghe: “Us semeial che mi fâs comissariâ di une tant che Anna Maria Cisint?”.
De Leghe no si son fatis atindi lis rispuestis: “O vin lavorât cun serietât adun cui professioniscji. Il Plan oncologjic al è fat ben e o vin dome segnalât doi aspiets fondamentai che a àn di jessi controlâts li de taule tecniche”. Daspò de Cisint e je rivade une altre stocade a Riccardi: “Io no vuei comissariâ nissun. O voi a votâ, in democrazie al covente rispiet”. (a.d.g.) – 27.01.2026
