E je stade saludade cun sodisfazion, dal assessôr regjonâl Riccardo Riccardi, la aprovazion dal dissen di leç che al torne a scrivi il cuadri normatîf di riferiment par sindics e volontaris impegnâts intes ativitâts di Protezion civîl.
“Il vie libare dal Senât a chest dissen di leç – al à sotlineât l’assessôr regjonâl ae Protezion civîl – al è un passaç impuartant e par nuie scontât. La tragjedie di Preon e lis son consecuencis judiziariis a vevin dât cetant pinsîr a dut il sisteme di Protezion civîl, ma lis gnovis tutelis a podaran ufrî plui sigurece e garanziis ai volontaris, ai sindics e a chei che a scuegnin cjapâ decisions di emergjence tal interès des lôr comunitâts. Cumò o sperin che la Cjamare dai Deputâts e rivi ae aprovazion definitive dal dissen di leç in timps curts”. (a.d.g.) – 04.08.2026
