Il Consorzi dal persut di S. Denêl al à screât vuê a Trasaghis il gnûf implant pal recupar dal sâl doprât inte produzion dal persut Dop. L’implant al è stât promovût e fat su de societât controlade dal consorzi, la Promo San Daniele Srl e al rapresente une des azions plui impuartants te suaze de sostignibilitât ambientâl inmaneadis dal compart intai ultins agns.
La struture, uniche tal so gjenar a nivel european, al permet di tratâ e rigjenerâ il sâl di scart e le salmuerie che cussì a vegnin trasformâts in prodots bogns par jessi doprâts cuintri de glace dilunc des stradis o inte industrie de piel, su la fonde di un model di economie circolâr che al permet di ridusi i coscj di smaltiment, l’impat ambientâl e lise missions di anidride carboniche. L’implant al servirà ducj e 31 i produtôrs consorziâts e al tratarà plui o mancul 8 mil toneladis di sâl ogni an. (a.d.g.) – 23.06.2025
