276
Legambiente F-VJ e Movimento Difesa del Cittadino FVG a àn presentât al Tar dal Friûl-Vignesie Julie doi ricors cuintri la Regjon par vê autorizât la realizazion di cuatri implants di cogjenerazion a alt rindiment in ancjetantis stazions di pompament che Siot e gjestìs di plui di 50 agns.
I implants proponûts de Siot e autorizâts de Regjon – e aferme Legambiente intune note – a consistin inte instalazion di pompis a gas metan tal puest di chês atuâls, alimentadis de energjie eletriche.
Ai coscj pe presentazion dai doi ricors – e riferìs Legambiente – si è proviodût cuntun crowdfunding promovût de stesse Legambiente e dal Movimento Difesa del Cittadino FVG, dai Comitâts locâi “Alto But e Pro Lago” e dai FFF de Cjargne. (A.D.G.) – 02.05.2023
