Se ancje la Gjermanie, locomotive de Europe, e va plui a planc, miôr no jessi trancuîi. Al è chest il segnâl saltât fûr de assemblee de Federazion europeane dai panei a base di len (Epf) (Federazione europea dei pannelli a base di legno), a pene mitude dongje a Gent (Belgio) indulà che a àn partecipât 150 produtôrs e ancje il furlan Paolo Fantoni, ex president de Federazion e cumò membri dal consei diretîf.
“La assemblee e à coincidût cu la sierade dal metanodot Stream 1, motivât uficialmentri di resons tecnichis, ma che o vin pôre che e larà indenant par tant timp – al sclarìs Fantoni, president dal grup industriâl di Osôf -. Chest al à cressût i pinsîrs in Gjermanie. Si pense, di fat, che cheste mosse e sedi la precundizion pal razionament di gas metan, che si gjave la uree fondamentâl pai adesîfs, e ae riduzion consecuente de capacitât produtive”. (A.D.G.) – 05.07.2022 – com
