E sarà fate la gnove ciclovie di Tumieç a Damâr, cuntune spese di 2,9 milions di euros. La gnove e je rivade vuê dilunc de conference stampe di presentazion dal secont lot de ciclovie Fvg8, fate a Tumieç.
“Cun 2,9 milions di euros assegnats ae ciclovie Fvg8, la Regjon e met in vore la realizazion dal secont lot di Tumieç fin a Damâr, bande de ciclovie Alpe Adria -n e à visat la assessore regjonâl aes Financis Barbara Zilli -. Chest colegament al sarà bon di cambiâ lis dinamichis dal cicloturisim sul teritori cjargnel, e al è stât pussibil fâlu in graciis de flessibilitât de programazion europeane che nus à permetût di destinâ plui di dîs milions di euros bande iniziativis a pro dal teritori”. Presints ae conference stam0pe ancje une vore di aministradôrs locâi e il president dal Carnia industrial park Gabriele Bano. I 2,9 milions destinâts al progjet, a laran al Consorzi a integrazion dai bêçs za a disposizion par fâ il prin lot che a son altris 1,5 che cun chei si podarà mandâ indenant il progjet par rinfuarcî la rêt ciclabil a pro dai lavoradôrs de zone industriâl cjargnele. (a.d.g.) – 05.06.2025
