Premi in Senât a l’imprenditôr di Pordenon Luigi Cimolai

L’imprenditôr di Pordenon Luigi Cimolai al à vût vuê in Senât il premi ” Imprenditori italiani di eccellenza”, consegnât inte aule di Palaç Madame de presidente Maria Elisabetta Alberti Casellati. Il ricognossiment prestigjôs, inmaneât tal ambit dal vincjesim cuart apontament de rassegne “Senato & Cultura”, al è dedicât aes storiis di imprenditôrs che, cun passion e cûr, a àn incjarnât pardabon i valôrs de talianitât contribuint al progrès economic e sociâl dal Paîs. “Chest impuartant premi al insiore la storie de Cimolai, cun passe 70 agns di grancj sucès – al à dite Cimolai, president de Cimolai Spa. –. O vuei condividi chest premi cui miei gjenitôrs Armando e Albina, che a àn fondât la aziende intal 1949, intun piçul laboratori di Pordenon”.  (A.D.,G.) – 16.07.2022