A continuin i invistiments de Fantoni di Osôf che, dapsò dai implants produtîfs dai panei, si dediche ancje a fâ plui eficiente la linie di produzion des mobiliis par ufici. Il grup al à, di fat, a pene completât un invistiment di 9 milions di euros par rinovâ ad implen la fabriche di mobii, tornant a pensâ il procès produtîf. Il progjet ambiziôs al à aplicât lis tecnologjiis disponibilis plui resintis par rivâ a une plui alte produtivitât e une miôr cualitât dai prodots rivant però a ridusi i coscj energjetics.
“Tra lis ativitâts principâls – al sclarìs il responsabil dal setôr, Alessandri Pacasso – o vin riorganizât dut la fabriche di mobii, razionalizant lis operazions e fasint lis operazions internis plui eficientis; o vin integrât i reparts cun traspuart e magazens verticâi automatizâts e doprât tecnologjiis che nus àn permetût di otignî un miorament net dal prodot finît”. (A.D.G.) – 16.12.2022
