Cuatri rapresentants di Confcommercio Fvg, un par provincie, a son stâts elets, a Rome, intal Consei nazionâl dai Imprenditôrs Zovins di Confcommercio. A son Chiara Canzoneri par Gurize, Simone Paroni par Pordenon, Giara Amato par Triest e Fabio Passon par Udin. La elezion e je sucedude tal contest de nomine par aclamazion ae presidence di Matteo Musacci (Confcumierç Fipe Ferare).
“Al è un risultât di grant lustri pe Confcommercio Fvg – al comente il president regjonâl Giovanni Da Pozzo -. A jentrin intal consei nazionâl dai Imprenditôrs zovins personis che a àn dimostrât capacitât e competencis intal lavôr fat sul teritori. Al va a lôr il ringraciament pal sintiment di apartignince ae associazion e un ‘in bocje al lôf’ pal impegn impuartant che a son clamâts”. (A.D.G.) – 01.06.2023
