Civibank e à fat fieste pai siei 140 agns di ativitât tal cjistiel di Caprive, presints i rapresentants des istituzions regjonâls e locâls e di cetancj rapresentants des categoriis economichis.
Tra lôr il president de Regjon Friûl Vignesie Julie Massimiliano Fedriga, che al à sotlineât che “Cent e cuarante agns a son un travuart plui che significatîf e vuê chest istitût al à cjatât une stabilitât impuartante”.
Il travuart dai 140 agns al è stât taiât cun numars impuartants ancje dal pont di viste economic, parcè che la bancje a à regjistrat 18,1 milions di euros di util, cun 100 mil clients, 600 dipendents e 64 filiâls, ancje in graciis dal percors di rinfuarciment inviât cuatri agns indaûr in graciis dal ingrès dal grup Sparkasse. (a.d.g.) – 09.06.2026
