I mosaics furlans ancje a Lion

In ocasion dal centenari de fondazion e in colaborazion cul Archivi Municipâl e il Fogolâr Furlan di Lion, la Scuola Mosaicisti del Friuli di Spilimberc e à screât inte citât francese une mostre dedicade ae sô storie. Ai Archives municipales di Lion a son esponûts i lavôrs realizâts dai siei arlêfs sul teritori, di là di une selezion di oparis che al consint di cognossi la evoluzion dal mosaic e dal insegnament. Ae inaugurazion a jerin il president dal ent Friuli nel Mondo, Loris Basso, dal Fogolâr di Lion, Danilo Vezzio e Stefano Lovison de scuele di Spilimberc, e ancje la assessore regjonâl Barbara Zilli. Tancj mosaics di edificis e lûcs publics a Lion a son stâts realizâts di furlans, e cierts di chei a vignivin propite de scuele di Spilimberc. (A.I.) – 23.11.2022