Vicino/lontano mont: il misteri dai abitants dal lât

Il viaç di “Vicino/lontano mont,” la rassegne dedicade dal festival udinês aes tieris de mont furlane (e cjargnele), e va indevant sabide ai 20 te Cjase des Paveis di Bordan, aes 4 di dopomisdì, cu la presentazion dal gnûf romanç di Renzo Brollo, “Gli acquanauti”, jessût par Bottega Errante: la storie misteriose sucedude tal Lât di Cjavaç tal 1969, cun dosis personis metudis par un mês a vivi 20 metris sot la aghe, in cuatri grancj canons, par une sorte di esperiment. Aes 8.30 di sere invezit, a Paluce, il cine Daniel al presente une schirie di filmâts mai viodûts prime in onôr di Amato Matiz, a cuarante agns de muart dal fondadôr dal innomenât Trio Pakai. Il dì dopo a Cleulis e sarà screade la grande piture suntun mûr dedicade propit al grup musicâl. (A. I.) – 19.09.2025