La storiche e studiose russe Irina Scherbakova, nassude tal 1949, e à vinçût la decime seconde edizion dal premi nazionâl di storie contemporanie “Friuli Storia”. A decidi, daspò de sielte dai finaliscj de bande e jurie sientifiche vuidade di Tommaso Piffer, une jurie di 360 letôrs, la plui grande in Italie par un premi di saçs. Il volum “La mani di mio padre”, jessût tal 2024 par Mimesis, al à cjapât il 55 % dai vôts, plui di chei par Carlo Fumian e Gustavo Corni, i altris doi finaliscj. Fondadore de associazion russe Memorial, tal 2022 e à vinçût il premi Nobel pe pâs, Irina Scherbakova instrece tal libri lis storiis de Russie e chês de sô famee, tacant de basave e lant di Lenin e Stalin fint ai dîs di Putin. La premiazion inmaneât de associazion “Friuli Storia” cu la poie de Regjon F-Vj, de Fondazion Friuli e altris, e je programade pai 25 di Otubar a Udin.
Une studiose russe e à vinçût il premi “Friuli Storia”
37
