Tina Modotti: dut il materiâl in rêt cun Cinemazero

Puartâ il patrimoni artistic e documentari di Tina Modotti, une des figuris plui straordenaris dal vincjesim secul, a ducj tal Mont: al è l’obietîf dal progjet internazionâl “Tina Modotti, dal Friûl-Vignesie Julie al Mony”, che al cumbine la ricercje, la inovazion digjitâl, la partecipazion artistiche contemporanie, la educazion e la partecipazion dai zovins. Il progjet al è promovût e ideât di Cinemazero, che al ospite la plui grande colezion dedicade ae artiste e fotografe furlane intai siei archivis di Pordenon, e che e puarte indevant ativitâts di ricercjie e promozion de opare de fotografe udinese a nivel internazionâl di passe trente agns. Il progjet al sarà realizât in gracie dal supuart de Regjon Friûl-Vignesie Julie. Pe prime volte, daspò di une operazion di mapadure globâl, al sarà creât il sît multilenghe “tinamodotti.org”, che al met dongje fotografiis, documents, materiâi audiovisîfs, ricercjis e fonts bibliografichis, tescj e cognossincis sientifichis che rivin des colezions di Cinemazero e di ducj i grancj archivis e museus internazionâi che a varan voie di partecipâ. Il progjet al puartarà fûr une vore di materiâi mai publicâts prime o mostrâts dome di râr, che a son il risultât di ricercjis fatis di Cinemazero in Messico, a Cube, tai Stâts Unîts, in Gjermanie e altris paîs. (A.I.) – 18.08.2026