Taramot: une opare di Celiberti pe iniziative de ATER

La ricostruzion no je dome un event materiâl, ma une esperience coletive che e ten dongje la memorie, i leams e l’avignî: chest concet al sosten “Le chiavi di casa”, Lis clâfs di cjase, une iniziative promovude de Ater di Udin pal cincuantesim aniversari dai 6 di Mai. L’event al è stât presentât tal studi di Udin dal artist Giorgio Celiberti, che al à ufiert une des sôs oparis, “Un insium che al devente realtât” tant che imagjin simboliche dal percors che al è stât inviât de associazion pe edilizie popolâr. L’event al è stât il prin moment public di un viaç par condividi un dai cjapitui plui fonts de storie de regjon, cul fin di interpretâ di gnûf la ricostruzion tant che un patrimoni civic e identitari par dute la comunitât furlane. “Lis clâfs di cjase” al è un percors che al sarà fat midiant di une racuelte di testemoneancis, fotografiis e contribûts dai abitants, locataris e ex dipendents dal IACP di Udin. (A.I.) – 22.04.2026