Storiis di partesans te Basse furlane

Doi apontaments cu la storie di chenti inmaneâts de Anpi, la associazion dai partesans de Italie, par capî il valôr dât ae Resistence de bande des popolazions de Basse, a otante agns de Liberazion. Sabide ai 15 a Tierç di Aquilee, te sale consiliâr dal comun aes 6 di dopomisdì, il storic Luciano Patat al fasarà une conference par fevelâ de lote partesane tes provinciis orientâls e soredut te Basse furlane. Ai 22 di Novembar, a S. Zorç di Noiâr, te vile Dora si screarà la mostre “La guerra di Angiolino” cu lis imagjinis de Resistence te Basse furlane daûr dai cuadris di Angiolino Filiputti. (A.I.) – 14.11.2025