Screade a Spilimberc “Mosaico&Mosaici” la mostre anuâl de Scuele Mosaiciscj dal Friûl che e conte ce che al è stât pensât, elaborât e fat vie pal an formatîf 2025-2026. I mosaics esponûts a son une selezion des oparis fatis tai trê cors dal percors di alte formazion professionâl par mestri mosaicist. In cheste maniere la mostre e cambie simpri, an par an.
A dâ il vie al è stât il president de Scuele, Stefano Lovison. Tal curtîl, denant di un palc decorât di un mosaic, cetantis autoritâts, mestris e arlêfs e mestris mosaiciscj, cence fevelâ de tante int presint.
Ducj a àn cjaminât sul grant mosaic che al cualifiche la aree fûr de scuele, cui motîfs de “Flore e faune dal Friûl – Vignesie Julie”, une des tantis oparis fatis dulinvie dal an scolastic, che si slargje par 1.265 metris cuadris. (a.d.g.) – 03.08.2026
