“Pordenonelegge” al tache bielzà cuntune schirie di cunvignis e aprofondiments

“Pordenelegge tuttolanno” al è il fîl ros des iniziativis che, par dut il 2023, la fondazion Pordenonelegge.it e proponarà traviers un cartel intens di cunvignis, dialics, aprofondiments leteraris e ocasions di confront cu la peraule, i libris, i autôrs. inmaneât di Gian Maria Villalta (il diretôr artistic), Roberto Cescon e Alessandro Canzian, il program al cjatarà ospitalitât a Palaç Badini. Si tache martars ai 7 cun “Martedìpoesia”, il prin di vot incuintris tematics par meti in relazion il lavôr poetic e lis grandis cuistions che dal dî di vuê, il prin martars di ogni mês. Un dialic fra doi poetis – Francesco Tomada e Giovanni Turra – al inviarà la cunvigne, po dopo si larà indevant cuntun intervent suntun poete dal Nûfcent, tal ultin trê poetis a leiaran i lôr viers. (A.I.) – 06.02.2023