Poesiis “fûr puest” a Cividât

Daspò dal sucès dai dîs di scree, “Fuori Luogo. Poesia negli spazi urbani” Fûr puest. Poesie tai spazis urbans” al va indevant a Cividât cuntune schirie di leturis e di spetacui avonde atipics te suaze de diesime setime edizion di “Incontri”, Incuintris, l’event culturâl inmaneât de storiche SOMSI, la Societât dal socors mutuâl dai lavoradôrs. Invezit di leturis tradizionâls, cheste schirie di events origjinai si fâs tal cûr de citât – buteghis, museus, placis e puescj di vore – cun autôrs che a condividin lis lôr storiis cul public. Si scomence joibe ai 15 aes 6 di dopomisdì te sede de Civibank cun “Poesie fuori bilancio”, une presentazion di Fabio Franzin, un dai scritôrs dialetâls plui interessants da Italie. Vinars ai 16, te sede de associazion musicâl “ Gaggia”, la poete Andreina Cekova Trusgnach – che e dopre il sloven benecian – e presentarà la sô opare e la sô poetiche. Sabide ai 17 li dal Poç di Callisto, il furlan Maurizio Mattiuzza al sarà il protagonist cun “Un poç di marilenghe”. (A.I.) – 14.10.2026