Ogni dì une storie fint a Nadâl

Un regâl di Nadâl anticipât, un calendari speciâl dal Avent fat cun 24 storiis ineditis, scritis dai autôrs de Associazion dai Scritôrs dal Friûl-Vignesie Julie, proponudis dal prin fint ai 24 di Dicembar, ogni dì cuntune storie divierse, pai letôrs plui zovins: chei des scuelis primariis e secondariis di prin grât. Il “Calendari di Avent pe radio” di “LeggiAMO 0-18 FVG” al è un viaç naratîf che al vûl promovi la leture cu la scolte. La iniziative e je curade di Radio Magica (sul canâl Spreaker in rêt) e lis storiis a son stadis regjistradis dai students de scuele medie dal Istitût “Manzoni” di Udin daspò di un seminari di leture espressive fat tal mês di Novembar. Dîs di chestis storiis, creadis par supuartâ lis lenghis minoritaris, a son stadis voltadis, letis e regjistradis ancje par furlan, todesc e sloven. (A.I.) – 01.12.2025