Lis zornadis dal FAI pai students

Pai cincuante agns dal FAI, il fonts pal ambient talian, dai 24 ai 29 di Novembar a tornin lis Zornadis pes scuelis, che di 14 agns si fasin in dute Italie par sburtâ i zovins ae educazion, ae cognossince, al rispiet e ae cure dal patrimoni culturâl. La colaborazion cul mont de scuele, che ancje tes edizions de Vierte e de Sierade, e previôt che lis presentazions a sedin fatis dai aprendiscj “cicerons”, i students formâts dai volontaris dal FAI cui docents par imparâ a presentâ i lûcs che a son stâts sielts. In dut a son dusinte e in F-Vj a son doi edificis di presi: palaç Altan a S. Vît dal Tiliment e palaç Vivante a Triest, che a saran presentâts dai students a altris students. (A.I.) – 24.11.2025

Foto Ianniello