Leturis in tende des monts al mâr

da Andrea Ioime

Lis tendis coloradis di “La tribù che legge”, La tribù che e lei di “BILL – La Biblioteche de Legalitât”, a son une altre volte prontis a concuistâ cetancj lûcs des monts al mâr, in gracie de gnove edizion dal progjet speciâl “LeggiAMO 0-18 FVG”, coordenât di Damatrà Onlus e realizât cul supuart dal Ufici dai Servizis Sociâi pai Minôrs di Triest. Dai 22 di Avost e fint ai 19 di Otubar, il tour al varâ dîs tapis, scomençant a Davian e sierant a Segrât, passant traviers Flumisel, Vile Visintine, Tisane, Lignan, Roncjis di Monfalcon, S. Ganzian Spilimberc, Triest e Çopule. I letôrs a saran zovins, e lis lôr storiis a contin di relazions cui libris che a son stadis fermadis o che no son mai scomençadis, ma po dopo a àn decidût di metisi in zûc e promovi la leture par responsabilitât viers i plui piçui. I libris sielzûts pe ativitât, par fruts e frutis dai 3 ai 7 agns, a van dai libris di zûc ae divulgazion sientifiche, dai libris cence peraulis ai grancj classics di Gianni Rodari e di altris autôrs. (A.I.) – 21.08.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui