La mostre de Pimpa a Udin: un sucès

Dôs mostris che a àn segnât il gnûf program culturâl dai Museus civics di Udin si son sieradis cun risultâts une vore positîfs: “Guido Guidi. Col tempo 1956–2024”, inmaneade te cjase Cavazzini, e soredut la mostre dedicade al cincuantesim complean de Pimpa, il personaç a fumets inventât cincuante agns indaûr e dissegnât di Francesco Tullio Altan: un sucès ecezionâl di public, in gracie ancje di un program di events colaterâi siôr di ativitâts. La mostre di Guidi, la tierce di un tritic di grandis retrospetivis fotografichis, e je lade indevant dai 27 di Setembar dal 2025 e fint ai 6 di Zenâr e e à puartât dongje 7.199 visitadôrs: doi mil di chei a son rivâts jenfri Nadâl e Epifanie. Ancje “Buon compleanno Pimpa!”, te ex glesie di S. Francesc, e à vût numars straordenaris: cuasi 25.000 visitadôrs dai 25 di Otubar fint ai 6 di Zenâr. (A.I.) – 07.01.2026