La gnot dai letôrs: desenis di apontaments a Udin

Il ricuart di Italo Calvino pai 100 agns de sô nassite al è il teme de edizion dal decenâl di “La notte dei lettori”, a Udin dai 9 ai 11 di Jugn in 25 lûcs diviers. Il sottitul – Il cjistiel dai confins incrosâts – al riclame une opare dal scritôr e al è stât dissegnât dal mestri Giorgio Celiberti intal manifest uficiâl. Dilunc de rassegne, une fieste de leture par ducj e di ducj, si fevelarà di confins reâi inte storie e inte atualitât, di frontieris, di confins mentâi… Dopo la anteprime itinerante, la diretore artistiche Martina Delpiccolo e à inmaneât une setantine di incuintris, plui une setemane di anticipazions di joibe al 1n ai 8. Tra i ospits presints, Ilaria Tuti, Toni Capuozzo, Matteo Codignola, Stefano Salis, Pietro Spirito, Chiara Carminati… (A.I.) – 01.06.2023