La bielece salvade des glesiis

La mostre “Friûl 1976-2026 – La bielece salvade” si vierç tal Museu di Art Sacre di Pordenon martars ai 5 aes 6 di dopomisdì. Curade di Fulvio Dell’Agnese, e je dedicade al ricuart dal taramot dal 1976, ai dams vûts dal patrimoni eclesiastic e al procès di ricostruzion materiâl, artistiche e comunitarie che al è vignût dopo. Il cûr de mostre al è fat di fotografiis mai publicadis prime, fatis daspò dal secont taramot, chel di Setembar ’76, che a mostrin glesiis vueidis, architeture lesionade e i ogjets sacris crevâts. In bande dal dûl documentât tes imagjins, la mostre e pant la bielece tornade a fâ sù: pituris, furniments pes liturgjiis, tiessûts e libris restaurâts, che a deventin testemoneancis veris di une comunitât che e je stade buine di recuperâ cun sucès il so patrimoni, dant forme e dignitât a ce che al jere lât sot dai rudinaçs . La mostre e vûl ancje jessi un invât a esplorâ i lûcs cjapâts dal taramot, massime chei mancul cognossûts. (A.I.) – 04.05.2026