In mostre i cent agns de ATER di Gurize

Daspò di Udin tal 2021, ancje la ATER di Gurize, aziende dal teritori pe edilizie popolâr, e fâs cent agns. Par celebrâ il travuart al è stât inmaneât un calendari di iniziativis buinis di onorâ il passât, valorizâ il dì di vuê e lassâ jù visions pal avignî. Nassude al prin di Otubar dal 1925, la aziende che si clamave IACP e à inmaneât ancje un premi pai students di architeture par imagjinâ une gnove vite pal borc operari di Stracis. Te sede di cors Italia e sarà vierte la mostre dal centenari: une esposizion di documents, fotos, progjets e testemoneancis mai viodûts prime par contâ la storie di un teritori unic tai ultins cent agns. Une conte in sîs parts, tacant de ete austriache, passant pe Prime e Seconde vuere e i agns Cincuante dal secul passât, po dopo la espansion sul teritori e dai agns Otante a vuê. A vuidâ il public, la vôs di Giulio Ettore Ritter von Zàhony (1816-1895), il pari de grande edilizie publiche e Gurize, tornât a “vivi” in graciis de tecnologjie. (A.I.) – 20.01.2026