Il rapper Piotta al conte ancje il so Friûl

Intal secont fin de setemane di “Sapori Pro Loco” a Vile Manin di Passarian al è ancje spazi par un personaç di innomine taliane: il rapper roman Piotta, nassût Tommaso Zanello, di une famee che e vignive di Teôr. Domenie ai 26 aes 6 dopomisdì, Piotta-Tommaso al presentarà “Corso Trieste”, il libri scrit intun cul fradi Fabio. L’apontament, inmaneât par celebrâ il trentesim aniversari di costituzion dal P.I.C., Progjet integrât culture dal Friûl di mieç, al fevelarà di Rome e dal Friûl cu la presince di Gabriella Cecotti. (A.I.) – 25.05.2024