I mulins a aghe, in Cjargne, no rapresentin dome struturis produtivis antighis. A son i custodis de culture contadine, dai savôrs tradizionâi e de storie di ogni paîs, dulà che a son stâts simpri dai ponts nevralgjics. Dentri dai edificis, al somee che il timp si sedi fermât, metint in conession i visitadôrs cun epochis e ints aromai passadis. Propit chescj lûcs magjics a saran al centri de conference “I mulini ad acqua del Friuli alla fine dell’Ottocento”, par cure di Alessio Fornasin, vinars ai 12 aes 5 dal dopomisdì al Centri servizis dal Museu di Tumieç. L’avigniment al è part de manifestazion “Mulini aperti in Carnia”, in program dai 20 ai 21 di Mai par valorizâ lis antighis fabrichis, favorint ancje un turisim lunc e sostignibil. (A.I.) – 10.05.2023
I mulins, custodis de culture contadine
163