Il dì al è rivât: sabide ai 8 Gnove Gurize-Gurize, la Capitâl europeane de Culture 2025, e je pronte a tacâ in forme uficiâl il program di GO!2025 cu la cerimonie di viertidure titulade “Di stazion a stazion”. Il prin grant apontament culturâl dal program uficiâl che al animarà dutis i dôs lis citâts fin ae fin dal an. La zornade si disviluparà intun program plen di iniziativis che a celebrin la unitât culturâl e artistiche des dôs citâts, cun moments istituzionâi e spetacui, ae presince di ospits nazionâi e internazionâi e rapresentants politics che a vegnin de Slovenie, de Italie, di Brussel e de Europe. Tra chescj, il President de Republiche Taliane, Sergio Mattarella e la Presidente de Republiche di Slovenie, Nataša Pirc Musar. La fieste e je previodude par dut il dì e e passarà i teritoris di dutis i dôs lis citâts, cuntune ripartizion in trê parts: zornaliere, uficiâl e artistiche. Inte Zornade de culture slovene che e celebre il poete sloven France Prešeren tal dì de muart (ai 8 di Fevrâr dal 1849) e al è ancje l’aniversari de nassite dal poete Giuseppe Ungaretti (ai 8 di Fevrâr dal 1888), la cerimonie e scomençarà aes 10 li de Stazion feroviarie di Gurize, cuntun corteu transfrontalîr che al viodarà la partecipazion di 1.500 personis, i musiciscj Shari, Tish e Pierpaolo Foti e lis bandis de polizie taliane e slovene. E je la prime volte assolude che dôs bandis des fuarcis dal ordin di doi Paîs diviers a sunin adun e a concuardin insiemi i tocs di fâ. Daûr di lôr, la sfilade dai sindics dal teritori. Aes 3 di dopomisdì il corteu al rivarà a Nova Gorica in place Bevk, dulà che al sarà un program culturâl siôr, cu la partecipazion di passe 900 artiscj. Aes 4 la cerimonie uficiâl di scree in Place Transalpine, la place condividude des dôs citâts. A tacâ des 6 sot sere, in Place Vitorie, ancjemò musiche cul pianist Remo Anzovino e il grup 40 Finger. Des 8.30 sot sere, la fieste e torne in place Transalpine par lâ indenant fint a gnot fonde cui Dj internazionâi Daddy G (MassiveAttack) e Andy Smith (Portishead). (A.I.) – 07.02.2025
69
