“Dedica”, vot dîs par une grande scritore francese

E je stade presentade la vincjesime novesime edizion di Dedica, la rassegne inmaneade a Pordenon de associazion culturâl Thesis e curade di Claudio Cattaruzza. Dai 18 ai 25 di Març, vot dîs di festival che, tacant de leterature, al met al centri il scambi inteletuâl e uman cun la autore, la francese Maylis de Kerangal. Dodis i apontaments, fra conversazions, libris, teatri, cine al musiche, mostris, par aprofondî traviers ducj i lengaçs artistics la opare di une des scritoris contemporaniis plui impuartants. Tancj i ospits e i avigniments speciâi: ai 22 di Març, la presentazion in prime nazionâl dal gnûf libri de autore, “Fuga a Est”. (A.I.) – 23.02.2023