Cuant che a Gurize a vivevin lis ‘vienesis’

A van indevant i apontaments de rassegne “Libri da vicino”, il cartelon ideât e inmaneât de Fondazion Pordenonelegge, dedicât dal dut ae editorie dal teritori. Martars ai 18, aes 6 dal dopomisdì in Sale Ellero a Palaç Badini, il scritôr e editôr Hans Kitzmüller al presente “La casa delle viennesi”, il so libri publicât di Vita Activa Edizioni. E je la storie di une cjase intal Friûl gurizan, dulà che par un lunc periodi (1870-1937) a jerin a stâ feminis bessolis di origjin vienese. Un erêt, il contadôr, al regole dopo tant timp la biblioteche e si lasse atrai dal caratar des ‘vienesis’ traviers la leture dai lôr diaris, colpît ancje dal pont di viste austriac su la Vuere Grande. (A.I.) – 17.04.2023