“Al jere une persone straordenarie, tant che dute la sô vite. Un grant gurizan. Gianni Bisiach nol è plui. Al è lât, ae biele etât di 95 agns, in grande part spindûs ae ricercje dal mont, o disarès dal om, in ogni so aspiet, in ogni so segment contantlu in mût magjistrâl e dispès contribuint a cambiâlu in miôr. I telefonavi a ogni complean par fâi i augurs e al jere simpri un grant plasê”. Chest il messaç dal sindic di Gurize Rodolfo Ziberna dopo de muart dal gjornalist famôs.
Intal 2011 i jere stât conferît il Premi Patroni “Città di Gorizia” che lui al veve preseât pardabon. “Tancj si visindi lui – al sotlinee Ziberna – tantche un grant gjornalist, cuâl al jere, cognossidôr profont dai costums e de politiche nazionâl e internazionâl, ma al è stât ancje scritôr, medic, condutôr radiofonic e televisîf e regjist”. (ADG) – 20.11.2022
