58
Si fâs sabide ai 13 a Vilecjaze di Listize, te suaze de rassegne “Avostanis” li dai Colonos, l’event “A brene vierte” in program ai 6 di Setembar, ma spostât par colpe de circolazion stradâl blocade pal spetacul des Frecis Tricolôrs. La gare artistiche, par cure di Michele Bazzana, si fâs des 8 di buinore e fint al dopomisdì: aes 6 lis votazions de bande dal public e lis premiazions. Al è un event unic in regjon, rivât ae cuinte edizion, là che sîs scuadris di artiscj si metin in zûc par fâ ancjetantis oparis pensadis propit par chel lûc. La zornade e sarà filmade e il video al sarà presentât ai 25 di Otubar a Gardiscje, te galarie di art contemporanie “Spazzapan”. (A.I.) – 12.09.2025
