Artiscj e sienziâts a cjalin il cîl e la lûs a Gnove Gurize

Si vierç te suaze di GO!2025, joibe ai 2, la rassegne “ R.o.R”, inmaneade dal BridA, istitût pe art contemporanie. Aes 7 sot sere, a Gnove Gurize in place Bevkov, e je previodude la scree de mostre “Sentiero di luce” (Troi di lûs), che e puarte il public ator pe citât a viodi proiezions e instalazions. Dute la rassegne – intitulade “Elements” – e met dongje artiscj e sienziâts di innomine internazionâl, che a rivin di vot paîs diferents e che a presentin i lôr progjets artistics e di ricercje. Dentri de rassegne, une trilogjie dedicate ai planets. (A.I.) – 01.10.2025