Andrea Maggi, scritôr ‘a straçarie zero’

Il scritôr, insegnant e divulgadôr Andrea Maggi, il mitic ‘prof’ dal program “Il collegio” di Rai2, al à vinçût la cuarte edizion dal premi “Vivere a Spreco Zero” (vivi cence straçarie) inte categorie “Testemonial”, tant che ambassadôr di buinis pratichis. Il scritôr di Pordenon al segne di timp cheste strade traviers la sô ativitât di divulgazion di contignûts, soredut pai zovins, in particolâr su la rêt e sui social, dulà che al à passe cuatricent mil ‘follower’ su Instagram e plui di mieç milion su TikTok. Intune cun Gaël Giraud, l’economist francês premiât inte categorie de sagjistiche, al sarà joibe ai 28 ae cerimonie di consegne dal Premi a Rome, in ocasion de cuarte Zornade internazionâl di cussience des straçariis alimentârs, proclamade de Onu. (A.I.) – 26.09.2023