Ancjemò ospits pe mostre de ilustrazion a Tumieç

Daspò dai incuintris cun Guido Scarabottolo, al va indevant il calendari des ativitâts colaterâls de mostre “di tanti volti” par cure di Giovanna Durì, promovude dal Comun di Tumieç, là che si pues viodi tal palaç Frisacco fint ai 26 di Otubar. Vinars ai 19 e sarà ospitade Gabriella Giandelli, une des ilustradoris talianis plui inmaneadis ancje a nivel internazionâl. L’apontament al è dopli: aes 10.30 di buinore, e compagnarà il public intune visite vuidade ae mostre e aes 2.30 di dopomisdì e sarà protagoniste di un laboratori par grancj e students. Sabide ai 20, la visite vuidade e sarà invezit par cure de editore e galariste Cristina Taverna, die edizions Nuages. (A. I.) – 18.09.2025