A “vicino/lontano”, dut pront par dâ acet a 200 ospits

“Respêr” e je la peraule al centri di “vicino/lontano” 2026, in program a Udin di joibe ai 7 di Mai e fint a domenie ai 10, cun events di anteprime che a tachin za ai 30 di Avrîl. La vincjesim seconde edizion dal festival si fâs sot il grant patrocini dal Parlament european, dât de presidente Roberta Metsola. A son programâts passe 80 events – discussions, incuintris, lezions, mostris, spetacui e proiezions – che a daran acet une altre volte a plui di 200 personalitâts dal mont de sience, de leterature, de art, dal intratigniment e dai mieçs di comunicazion. I protagoniscj de edizion 2026 di “vicino/lontano” a judaran il public a rifleti, a resonâ e meti in a dubi lis trasformazions dal mont che o sin daûr a vivi: lis sôs fraturis, lis sôs feridis e in struc dut chel che al covente. La rassegne e je stade presentade te sede de Fondazion Friuli di Paola Colombo, presidente de associazion che e inmanee la rassegne, e di Nicola Gasbarro, ae vuide dal Comitât sientific dal festival. (A.I.) – 21.04.2026