A Pordenon si pues fevelâ ancjemò cui scritôrs dal passât

Daspò dal grant sucès di public vie pes cinc zornadis dal festival dai libris, e torne a vierzi la “Cyber Book Hall” di “pordenonelegge”: un spazi dentri de galarie “Harry Bertoia” di Pordenon, fint ai 12 di Otubar a ingrès libar sore nuie. Il progjet, coordenât dal curadôr di pordenonelegge, Alberto Garlini, al è inmaneât cun Calligaris e Umana, in colaborazion cun LEF e We Digital. In cuatri postazions interativis, il public si cjate a dialogâ cu la inteligjence artificiâl. Tal cjanton dai dialics impussibii, si cjatisi devant i scritôrs muarts dal passât: Dante, Shakespeare, Jane Austen, Gustave Flaubert, Alessandro Manzoni…. Invezit, tal cjanton “dal poete”, contantsi ae inteligjence artificiâl, si pues vê un ritrat personâl in forme di poesie. (A.I.) – 30.09.2025