Telethon: i udinês campions di solidarietât

Un sucès cundut dai doi dîs di ploie pe 2e stafete Telethon “24 per un’ora”, che al à puartât a Udin cuasi 15 mil personis a pas di corse e, soredut, di solidarietât. Des 3 dopomisdì di sabide ai 3 ae stesse ore di domenie ai 4, a son stadis 540 lis scuadris che a àn animât il centri citât: presincis di record, cundut dal brut timp, contant ancje i passe 1.500 fantats de Stafete Zovinis, che e à viert la fin de setemane. Chê di Udin al è di timp la manifestazion plui impuartante intal panorame de ‘Maratona Telethon’: dome intai ultins 5 agns, cundut dal Covid, la manifestazion e à tirât su e destinât dal dut ae Fondazion Telethon, che e sosten la lote cuintri lis malatiis gjenetichis raris, di là di un milion di euros, in graciis de solidarietât di une vore di furlans. (A.I.) – 05.12.2022